 |
नयाँ प्रधानमन्त्री तीन दिनभित्रै, प्रचण्ड पक्का
काठमाडौं, १७ साउन । राष्ट्रपति विद्या भण्डारीले सहमतीय सरकार गठनका लागि दिएको समय सकिएसँगै व्यवस्थापिका संसदले सोमबारबाटै बहुमतिय प्रक्रिया सुरु गर्ने भएको छ । राष्ट्रपति भण्डारीले सहमतिको सरकार गठनका लागि सात दिनको समय आइतबार सकिएपछि सोमबार बस्ने संसद बैठकले बहुमतिय प्रक्रिया सुरु गर्ने भएको हो ।सहमतिको सरकार गठ
न हुन नसकेपछि बहुमतीय सरकार गठनका लागि राष्ट्रपतिले प्रधानमन्त्री चयन गर्न संसदलाई पत्र पठाउने छिन् । राष्ट्रपति भण्डारीले बहुमतीय सरकार गठनका लागि पठाएको पत्र सभामुख घर्तीले संसदमा पढेर सुनाएपछि औपचारिकरुपमा बहुमतीय सरकार गठनको प्रक्रिया सुरु संसद सचिवालयले जनाएको छ ।संसद सचिवालयका अनुसार सोमबार बहुमतीय सरकार गठनका लागि राष्ट्रपतिले आह्वान गरेपछि मंगलबार उम्मेदवारी दर्ताका लागि समय तोकिने छ भने बुधवार निर्वाचन गराइनेछ । नेकपा माओवादी केन्द्र र नेपाली कांग्रेसले संयुक्त रुपमा संसदमा अविश्वासको प्रस्ताव दर्ता गरेपछि केपी ओलीले प्रधानमन्त्रीबाट राजीनामा दिएका थिए । प्रधानमन्त्री ओलीले राजीनामा दिएपछि राष्ट्रपति भण्डारीले गत साउन १० गते सहमतीय नयाँ सरकार गठनका लागि भन्दै एक साताको समय दलहरुलाई दिएकी थिइन् ।
माओवादी केन्द्रका अध्यक्ष प्रचण्डलाई नेपाली कांग्रेस, लगायतका साना दलको समर्थन रहेकाले सम्भवतः बुधवार देशले नयाँ प्रधानमन्त्री पाउनेछ । आफ्नो पक्षमा मतदान गर्न माओवादी केन्द्र र कांग्रेसले मधेसवादी दलहरुसँगको छलफललाई समेत तीब्रता दिएका छन् ।
|
0 comments:
Post a Comment